Mga langgam nga dinakpan anaa sa DENR7

CEBU, Philippines - Gisagop  sa mga  tinugyanan sa Department of Environment and Natural Resources (DENR)7  ang mga  langgam  nga  ilang  nasikop  sa ronda  nga  ilang  gilusad  sa dakbayan  sa Sugbo  sa miaging semana. Kini  dihang    ang  mga  tinugyanan  sa  Protected Area Wildlife and Coastal Zone Management Services (PAWCZMS) niini nakasikop sa mikabat  sa 143 ka mga ilegal ka mga nagkalain-laing matang nga langgam nga gibiyaan didto sa Magallanes St.sa syudad sa Sugbo sa maong  higayon.

Sayo  niini gironda sa  mga  otoridad  pinaagi  sa  pagpanguna  ni Ariel C. Rica, DENR 7 chief of Biodiversity and Wildlife Management Section uban sa mga kawani  sa  Philippine National Police (PNP) sa syudad sa Sugbo  ang  lugar  nga  nahimutangan  sa  mga  baligyang  langgam  ug  uban  pa. Kini  human  nila  madawat  ang  impormasyon gikan sa usa ka nagpakabana  nga lungsoranon.     Ang    nasikop  sa  mga  otoridad sa DENR  ug  kapolisan   naglangkob sa 101 ka African Lovebirds (Agapornis species), 30 ka Hanging Parakeets (Loriculus philippensis), lima ka Coleto  (Cercops calvos).

Duha ka Rufous hornbills (Buceros hydrocorax), duha ka Large-billed Crow (Corvus macrorhynchos), duha ka lack-capped Lory (Lorius lorry), ug usa ka Tarictic Hornbill (Penelopides Panini).

Ang maong mga  species daling giila ug girekord sa taga  DENR ug  gidala  dayon kini ngadto sa buhatan sa DENR-7 Wildlife rescue facility sa Camp 7, Minglanilla syudad sa Sugbo ubos sa kustodiya ni Mr. Sony de Erio nga maoy caretaker sa maong sentro.

Matud pa ni DENR-7 Regional Executive Director Isabelo Montejo nga ang maong illegal nga pagpamaligya sa mga hayop  sa kalasangan usa ka kalapasan sa Sec. 27 sa Republic Act 9147 o gitawag nga Wildlife Resources Conservation and Protection Act.

“We will not hesitate to implement the full force of the law against those who engage in illegal trading, collection and possession of wildlife species,” kini matud pa ni Montejo. Gibutyag ni Montejo nga aduna usab  karoy nagpadayon  nga pagmonitor sa kalihokan sa mga ihas nga mga mananap aron masiguro nga kini anaa gayud nakasubay sa balaod. (/WC) (BANAT NEWS)