CEBU, Philippines - Nadakpan ang usa ka giingong idlas nga babayeng tigpayuhot og gidiling drugas nga miresulta usab sa pagkasakmit sa mga pinaketeng gituohang shabu gikan kaniya atol sa gihimong buybust operation sa kapolisan diha sa barangay Canbanua lungsod sa Argao niadtong Sabado sa ala 1:30 sa hapon.
Ang nadakpan mao si Miraluna Legaspina,32, dalaga ug nagpuyo sa maong lugar, kinsa giingong mibaligya og usa ka paketeng shabu sa usa ka police poseur buyer.
Gawas sa usa ka paketeng shabu, nakuha gikan kaniya ang 500 pesos nga buybust money, ingon man laing siyam pa ka paketeng may sulod nga gituohang shabu ug laing medium pack gituohang shabu ug P1,800 nga gituohang halin niini ingon man drug paraphernalia. (/EIM) (BANAT NEWS)