2 ka Koryano nagsinumbagay

CEBU, Philippines - Gibalhug sa bilanggoan ang duha ka Koryano human kini mag-unay og sinumbagay  sulod  sa usa ka hotel didto sa Brgy. Agus dakbayan sa Lapulapu sa milabay’ng gabii. Ang biktima mao si Kim Bong Sok, 50, ug ang suspek mao si Park So Yok, 51,  pulos   mga Korean national nga kasamtangang nagpuyo sa Isla Hotel sa Brgy. Agus. Nasuta sa kapolisan nga  ang  duha  nag-inom sud sa maong hotel dihang  kalit nga mitumaw ang panaglalis ug misangko  sa sinumbagay .

Pipila ka mga kabtangan sa maong hotel ang naguba kay   wala kapugngi sa mga kawani ang duha ka Koryano  nga  nagrambol.

Mitawag    sa kapolisan sa Station 4 ug gidakop ang duha  ug  gipaslak  sa  prisohan.

Buot lamang sa tagdumala nga mabayran ang danyos sa  ilang  hotel,  apan ang kapolisan mopasaka og kasong alarm and scandal batok sa mga Koryano. (BANAT NEWS)