DOJ marshal gisuspenso og tulo ka bulan
CEBU, Philippines - Gipaubos na sa tulo ka buwan nga preventive suspension ang usa ka marshall sa Department of Justice’ Witness Protection Program (DOJ-WPP), kinsa gipasanginlang nang rape sa usa ka 21-anyos nga babayeng rape victim.
Matud ni assistant city prosecutor Llena Ipong-Avila, kinsa pangulo sa WPP sa Cebu nga ang suspension ni “Billy†nagsugod niadto pang adlaw nga Biyernes.
“Pag-Friday pa nag-start ang iyahang preventive suspension…he was disarmed and stop nga maka-render sa iyahang duties including ang pag-adto sa safehouse,†matud niya.
Gipaniguro hinuon niya nga andam ang ilang marshall pagsanong sa imbestigasyon sa kapulisan.
Kahinumduman nga niadtong Biyernes midangop sa Guadalupe Police Station ang biktima ug mipasangil nga gilugos siya ni Billy gikan sa bulan sa Enero hangtud sa bulan sa Marso sulod sa safehouse.
Ang babaye nasulod sa WPP niadtong Disyembre 2012 human makadawat og hulga sa iyang kinabuhi human iyang gikiha ang walo ka mga lalaking giingong mi-gang rape kaniya niadtong Pebrero 2012 sa siyudad sa Lapulapu.
Kagahapon gihangyo ni Ipong si Cebu City Police Office Director Mariano Natu-el Jr. sa paghimo og “thorough investigation†sa maong kaso ug giawhag niya sila nga mopahigayon og “ocular inspection†sa dapit diin giingong nahitabo ang paglugos. EIM (BANAT NEWS)
- Latest
