CEBU, Philippines - Miabot na og 200 ka kaswal nga kawani sa Cebu City government ang wala pa makabalik sa ilang trabaho human wala gi-renyu ilang kontrata kaniadtong Hunyo 30.
Mao kini ang gitug-an ni Celso Esteban “Sonny†Jimenea, ang assistant chief sa Human Resource Development Office (HRDO) sa City Hall. Matud ni Jimenea nga kapin g’yud diay sa 500 ka kaswal ang wala gi-renyu ang kontrata pag Hunyo 30.
Si Jimenea miingon nga anam-anam hinoon ang uban nga nakabalik dihang gihatagan sila og higayon nga makatrabaho pagbalik ubos sa pasalig nga magtinarong na sila sa ilang mga serbisyo.
Kadaghanan hinoon sa mga wala na gi-renyu mga gituohang dumadapig sa Bando Osmeña Pundok-Kauswagan (BOPK), apan ang uban kanila gipabalik sa trabaho.( /EIM) (BANAT NEWS)