Duha ka UV Grads nag-top sa REALE exams

CEBU, Philippines - Ang gradwado sa University of the Visayas graduate nakalangkat sa ikaupat nga pwesto sa July 2013 Real Estate Appraiser Licensure Examination samtang siyam pa ka mga Sugbuanon nalakip usab sa top ten.

Si Johannes Lawrence Riñen fourth placer sa maong eksaminasyn diin nakakuha siya og 84 percent rating samtang laing taga-UV gihapon nga si Jacinta Licanda nabutang sa 10th spot nga adunay average nga 81.

Ang University of San Carlos adunay tulo ka top notchers nga naglakip nilang Germaine Ouano sa sixth place adunay 83 average, Gary Maningo adunay 82 rating sa ikawalo ug Flordelis Ababa adunay 81 sa ikasiyam nga pwesto.

Ang University of the Philippines (UP)-Cebu graduates nga sila si Mark Lawrence Babiera adunay 81.50 ug Rona Zenia Porcil adunay 81, maoy miokupar sa ikasiyam ug ikanapulo nga pwesto.

Ang nagkumpleto sa mga Cebuano topnotchers mao silang Geraldine Tumulak (82.50) sa Southwestern University nga naa sa ikapito, Maria Theresa Rosell (81.50) sa University of San Jose-Recoletos sa ikasiyam ug Henrisa Canoy (81) sa Cebu Institute of Technology sa ikanapulo.

Ang Professional Regulation Commission (PRC) mianunsiyo nga 610 lang sa 1,282 nga intake ang nakapasar sa Real Estate Appraiser Licensure Examination nga gihatag sa Board of Real Estate Service sa Manila, Baguio, Cagayan de Oro, Cebu, Davao ug Iloilo niadtong Hulyo 21, 2013.  (Marigold P. Lebumfacil/EIM) (BANAT NEWS)