P1.7 B nga buhis sa MCIAA dako ra — Davide
CEBU, Philippines - Daku ra alang kang Gob. Hilario Davide III ang P1.7 bilyones nga buhis nga ibayad sa Mactan Cebu International Airport ngadto sa kagamhanan sa dakbayan.
Hinoon sumala pa ni Davide nga ang tanyag ni General Manager Nigel Paul Villarete tukion pa pag-ayo sa MCIAA Board diin siya usa sa mga sakop.
“The board will still deliberate on that kung sakto ba gyud kay P1.7 bilyon is dako kaayo na,†matud pang Davide.
Matud pang Davide nga natuki na ang maong isyu atol sa tigum sa MCIAA Board nga labing una niyang natambongan isip sakop didto sa Manila.
Si Villarete mipahibawo nga makabayad ang MCIAA apan kinahanglan pa ang memorandum of agreement nga iyang ipresentar sa board.
Si Villarete mipresentar kang Lapu-lapu City Mayor Paz Radaza sa duha ka MOA labot sa iyang tanyag nga P23 milyones sa real property taxes ubos sa kondisyon nga isibog sa syudad ang kasong gipasaka ngadto sa Korte Suprema.
Laing P10 milyones ang gitanyag usab isip hinabang pinansiyal sa mga proyekto sa syudad duol sa tugpahanan.
Apan giingong gibalibaran ni Radaza ang maong tanyag sanglit ang bayad limitado ra kini sa mga kabtangan sa MCIAA nga gigamit nga komersiyal.
Ang MOA nagkanayon nga ang MCIAA andam mobayad sa buhis sa mga commercial lots alang sa tuig 2004 hangtud 2013.
Gikwestiyon usab ni Radaza ang waiver nga ang syudad dili makakolekta og buhis sa ubang butang sa MCIAA. (/EIM) (BANAT NEWS)
- Latest
