Tulisan nangaratol way kwartang nadala
CEBU, Philippines - Palpak ang mga gidudahang tulisan nga misuway unta og tulis sa usa ka establisamento diha sa barangay Tabunok, dakbayan sa Talisay niadtong Sabado sa gabii tungod kay naratol ug wala na hinuon siyang nadalang kwarta.
Ang gitulis mao ang Janray Techno Industry nga tindahan og mga modem sa computer nga nahimutang diha sa Gee Ann Building sa nahisgutang barangay.
Ang security guard nga si Carmelo Silabay, 47, ug ang kahera sa tindahan nga si Caren Zamora, 21, mao ray diha sa tindahan dihang nangabot ang mga tulisan diin ang usa nailhan nga si Rhommel Alegrado, 31, taga barangay San Isidro, Talisay nga kanhi trabahante sa maong tindahan.
Matud pa tungod sa karatol way nadalang kwarta ang duha tungod kay nasirad-an hinuon nila ang cash register tungod sa pagdalidali. Wa sad nila madala ang P20 mil diha sa drawer.
Bugtong nabitbit sa duha mao ra ang kalibre 38 nga revolver sa gwardiya. EIM (BANAT NEWS)
- Latest
