CEBU, Philippines - Kritikal ang kahimtang sa usa ka trabahante sa Mactan Export Processing Zone (MEPZ) II sa dakbayan sa Lapulapu human sa karambola sa duha ka pamilya nga pulos managsilingan nga misangpot sa pagpanigbas diha sa sitio Kinalumsan, barangay Gun-ob sa maong dakbayan.
Ang natigbasan sa kalawasan mao si Zosimo Quiboquibo, 38, samtang ang gikaaway niini mao sila si Virgie Praso, 65, Barbara Praso, 43, Aiden Praso, 24 ug Petronilo Canoy, 48 anyos ug pulos nagpuyo sa maong dapit. Si PO1 Jomar Florentino sa Homicide Section miingon nga away sa utlanan sa ilang lote ang hinungdan nga naabot na sa ilang barangay ang husay.
Matud pa nga miulbo ang away sa duha ka pamilya dihang nagkasinukmatay sa dalan ang asawa ni Quiboquibo ug si Virgie nga misangpot sa binugnoay ug gitabangan sa mga Praso si Quiboquibo.
Si Quiboquibo natigbasan ni Canoy ug nalandig sa tambalanan samtang ang mga suspek naghiram na karon sa karsel sa kapolisan sa Lapulapu ug gitun-an na kun unsa nga kasong ipasaka frustrated homicide o frustrated murder. (BANAT NEWS)