CEBU, Philippines - Ipahunong usa ni Mayor Michael Rama ang paghatag og gasolina ngadto sa mga sakyanan sa mga department heads ug ubang opisyal sa City Hall apil ang paghatag kanila og cellphone “load†allowance matag buwan.
Sa iyang kamandoan nga giluwatan kaniadtong Hunyo 25, ang mayor nagkanayon nga kinahanglang timbang-timbangon pa nila kun pila ang tukma nga gidaghanon sa gasolina nga ihatag sa mga giisyuhan og sakyanan.
Pagkakaron wala magkapareho ang gasolina nga gihatag ngadto sa mga opisyal sama sa ubang department heads nga adunay gahin nga 300 litros matag buwan, apan ang ubang ubos ra og ranggo tag 150 litros. Ang budget usab nila sa cellphone load allowance matag buwan tag P3,000 ug aduna sa’y P4,000.
Ang mayor, bise mayor ug city administrator walay kantidad nga gilatid kun asa kutob ang ilang magasto sa paggamit sa ilang mga cellular phones. Ang kamandoan sa mayor naggumikan sa nagpadayon niya nga paglahugay sa mga department heads ug sa pagpanaktak sa mga kaswal nga kawani sa kagamhanan sa dakbayan.
Gikataho nga kaniadtong Biyernes adunay dul-an sa 500 ka kaswal ang wala pa marenyohi sa ilang kontrata human nga ang ilang employment documents gi-evaluate sa “five-man team†nga gimugna ni Rama. (BANAT NEWS)