Warrant vs MV Ming Yuan gihatud na sa BOC-Cebu
CEBU, Philippines - Pormal na nga gi-serve sa Bureau of Customs (BOC) ang warrant of seizure detention kagahapon batok sa Chinese-flagged bulk carrier M/V Ming Yuan.
Matud pa ni Edward Dela Cuesta, BOC Port of Cebu (POC) district collector, nga didto nila kini gihatag sa local agent sa maong barko, ang PHILHUA Shipping Agency, kagahapon sa buntag.
Dugang ni Dela Cuesta nga gidawat ni Ryan Balabat, ang local agent sa maong ahensiya, ang warrant nga gihatod mismo ni Major Camilo Cascolan, ang district commander sa Enforcement and Security Services–Customs Police Division (ESS-CPD), nga maoy gisugo ni Dela Cuesta.
Nagkanayon si Dela Cuesta nga gihatagan nila og 72- oras ang maong ahensiya sa pagtubag sa mga violations nga naangkon sa maong Hong Kong-registered nga carrier nga adunay 24 ka mga tripulante nga pulos mga Chinese nationals.
“Natanggap na nila, they will have to explain to us, bakit hindi sila nag-file ng entry permit and everything at bakit walang sinurrender na mga documents. Wala ring manifesto kung totoo ba kung wala silang sinakay o binaba,†matud pa ni Dela Cuesta.
Matud ni Dela Cuesta nga magpaabot sila sa tubag sa maong ahensiya ug ilang i-evaluate ang kamatuoran sa tubag.
Tulo ka violations ang nalapas sa barko diha sa BOC sama sa kapakyas sa pagpahibalo nila sa pinakaduol nga pier, ang pagkadelingkwente sa tag-iya ug sa shipping agency ug ang pagkapakyas sa pagpahibalo sa ilang pag-abot kay kinahanglang naa gyud unta ni silay “entry†sa wala pa sila mosulod sa area of responsibility.
Matud ni Dela Cuesta nga ang labing bug-at nga penalty nga mahimong ipahamtang sa gobiyerno batok sa barko mao ang pagsakmit niini o ang pagbayad sa mga multa.( /EIM) (BANAT NEWS)
- Latest
