CEBU, Philippines - Patay nang napalgan ang usa ka gwardiya human kini giingong nalumos sa usa ka dam atol nga namana og isda niadtong Sabado sa buntag pasado alas-9 sa buntag diha sa sitio Kunta barangay Can-asujan sa dakbayan sa Carcar.
Ang namatay mao si Bernie Ybañez, 30, molupyo sa maong dapit ug giingong usa ka gwardiya.
Sa pasiunang imbestigasyon sa Carcar police nasayran nga ang biktima adunay kuyog nga mga batan-on nga silang Mark Sanitigan ug Jhony Abellanosa nga nangisda sa dam sa maong dapit.
Ang mga batan-ong kuyog sa ni Ybañez gikatahong miadto sa usa ka floating cottage hinungdan nga giapas nila kini, apan nahibulong sila nga wala naman kini motunga pa.
Pasado ala-una na sa hapon niadtong Sabado milutaw ang patay’ng lawas ni Ybañez. (BANAT NEWS)