23 ka trabahante sa day care misalmot sa adventure program

CEBU, Philippines - Mikabat sa 23 ka mga trabahante sa day care center  gikan  sa lungsod sa Liloan, ang  misalmot sa duha ka adlaw  nga  “adventure program”  nga  gipasiugdahan  sa Ramon Aboitiz Foundation Inc. (RAFI) Kool Adventure Camp (KAC) didto  sa lungsod sa Balamban, dili pa dugay. Ang maong programa  gitumong  aron  sa pagtikad  sa giladmon  sa  pagsabot  sa ilang  responsibilidad ug pagpalig-on  sa ilang  katungdanan  sa pag-edukar  ug  paghimong responsabli  ug  mabungahong  mga  molupyo  ang  maong  mga  kabataan  sa  ilang tagsa-tagsa  ka komunidad.

Ang mga misalmot nakatapos  sa  mga tahas  nga  midala kanila  ngadto  sa nagkalainlaing  grupo ug  kalihokan.

Nakig-ambit  ug  nakigsalo sila  sa  ilang  mga nakat-onan  sa ilang  akto  nga kasinatian  matag  adlaw  isip  mga  trabahante  sa day care  center.  Ang  mga trabahante  sa  day care center mitambong sa maong  kalihokan sama  sa kalisud  sa pagpangita  og trabaho  ilabi  na  kun  ang  aplikante  gikan sa kabus  nga  pamilya.

Gawas  niini  kuwang  pa og  suporta   sa lokal nga  kagamhanan  ug  sa komunidad.

Apan  bisan  pa niini, silang  mga  dagko  maoy naningkamot nga  matuman   ang  ilang katungdanan aron makat-onan  sa ilang  mga   estudyante ang  tukmang  mga  paagi  alang  sa gidamgo  nilang  maayong  panginabuhi  ugma  damlag. Ang maong  kalihokan  gitawag  kaniadto  nga  RAFI’s Dolores Aboitiz Children’s Fund (DACF)  nga adunay  kapabilidad  ug kapasidad sa pagsugod  sa    de kalidad  nga  bahin sa edukasyon. (/WC) (BANAT NEWS)