CEBU, Philippines - Patay ang usa ka 81-anyos nga lolo nga padung untang mamista sa Toledo City human kini madasmagan sa usa ka motorsiklo diha sa Highway sa barangay Luray-I Poblacion siyudad sa Toledo sa miaging alas 7:00 sa buntag.
Giila sa kapolisan ang biktima mao si Aguida Villejo, taga barangay Lanas siyudad sa Naga.
Siya nadasmagan ni Glenn Velga Jr., 23, nga taga Ginolowan sa barangay Magsaysay sa siyudad sa Toledo kinsa nagmaneho og motorsiklo padung sa Barangay Luray-Dos.
Sumala pa nga samtang nagdagan ang motor sa suspek kalit nga mihunong ang traysikol nga iyang gisundan ug natapsingan niya kini apan nalahos kini og dasmag sa biktima nga mao pa say pagtabok sa highway.
Patay na pag-abot sa Toledo City District Hospital si Velga samtang mitahan sa kapolisan si Villejo. (/EIM) (BANAT NEWS)