CPPO nangandam sa kalamidad
CEBU, Philippines - Nangandam na usab ang kapulisan sa lalawigan sa Sugbo aron pagtubag sa mga alarma sa katalagman nunot niining pagsugod na sa panahon sa ting-uwan isip mga frontline support unit sa Provincial Disaster Risk Reduction and Management Council (PDRRMC).
Si Cebu Provincial Police Office Director, Sr. Supt. Patrocinio Comendador mibutyag nga aduna na silay mga mapa ug kahibalo na usab sila sa mga lugar nga angayang bantayan.
Sumala pa niya usa sa ilang mga gibantayang mga landslide prone areas mao ang dakbayan sa Toledo ug Naga, Balamban samtang flood prone areas ang mga lungsod sa Boljoon, Oslob, Santander ug Dumanjug.
Niadtong Oktubre sa miaging tuig gisud sa baha ang Boljoon Police Station atol sa paghapos sa bagyong Pablo.
“Mao gyud unta na among role (seguridad) pero lagi kining pulis bisan dunay sunog ug walay bombero pulis gyud ang tawgon kay pulis maoy madali-dali,†matud pang Comendador
Gimanduan na ni Comendador ang hepe sa 50 ka lungsod sa paghimo og mga “early advisories†sa mga residente ilabi na sa anaa magpuyo sa daplin sa dagat o kabukiran sa pag-alisto kun dautan ang panahon. (/EIM) (BANAT NEWS)
- Latest
