CEBU, Philippines - Gipangdawat gyud ang gatusan ka mga late enrollees sa Department of Education (DepEd) Central Visayas sa miaging semana atol sa pagsugod sa klase apan gihatagan ang mga ginikanan og kondisyon nga dili na gyud sila ma-late sa sunod tuig. Matud pa ni DepEd-7 regional director Dr. Carmelita Dulangon nga wala gyud silay gibalibaran karung tuiga kay ilaha na lang gi-konsiderar ang mga rason sa mga ginikanan ug guardian sa mga bata.
“Wala gyud tay gibalibaran sa mga late enrollees nato niadtong miaging semana kay maluoy man ta sa mga bata pod ug mohuwat pa sila og usa ka tuig usa makatungha og usab apan amo nang gipasidan-an ang mga ginikanan nga dili na gyud sila ma-late,†matud pa ni Dulangon. Apan giklaro ni Dulangon nga ilang gipahimangnoan ang mga ginikanan nga dili na kini usbon ug wala na silay rason pa para ma-late.
Dugang ni Dulangon nga gisultihan nila ang mga ginikanan nga pwede kini silang makapa-enrol sa ilang mga anak sa Enero atol sa Early Registration ug sa Brigada Eskwela sa Mayo.
Nagpasalamat pud si Dulangon sa mga principal nga midawat pod sa mga bata.
“I would also like to thank the principals who accepted them (late enrollees). Nagpadala ko nila og letter nga wala mi balibaran apan tagaan namo sila og pahimangno,†matud ni Dulangon. (BANAT NEWS)