CSC mihimakak sa mga text message

CEBU, Philippines - Gipanghimakak  sa Civil Service Commission (CSC) ang mikatap  nga mga text message  nga  kuno pakubsan ang  mga benepisyo sa  mga  mamumuo sa goberno, sundalo, polis  ug mga nurse. Ang  CSC7 miawhag  sa publiko  nga  di  motuo  niining  maong  mga mensahe  sa  text.

Nasayran  gikan  sa maong  buhatan  nga  kanunay  kining  konsultahon  bahin  sa  mga  balaod  nga  may labot  sa serbisyo  sibil  o  sa  mga  trabahante  niini.

Apan  bahin  sa giingon  nga  may pending  nga balaod  nga  pakibrahan  ang  gidawat  nga  mga  benepisyo  sa  mga  nanarbaho  sa kagamhanan, kini  walay  kamatuoran.

Midugang ang maong ahensya  nga kun  may kasayoran  man  bahin  niini angay  silang  makadawat  og  impormasyon  o kaha  kopya  sa maong kasugoan.

Apan  walay  nadawat ang  CSC  nga  mga pahibawo  kalabot  sa maong  isyu.  (BANAT NEWS)