20-anyos gibirahan patay
CEBU, Philippines - Patay ang usa ka tawo human gipusil sa usa ka lalaking nagsakay og motorsiklo diha sa sitio Boat, barangay Punta Engaño sa dakbayan sa Lapulapu alas-10 pasado ang takna sa miaging gabii.
Ang biktima mao si Rodrigo Oyao Jr., 20 , nagpuyo sa maong dapit samtang padayon pang giila sa kapolisan ang mamumuno niini.
Matud pa ni SPO1 Allan Pantaleon sa Homicide Section sa kapolisan sa maong dakbayan nga kuyog sa biktima ang higala niini nga si Jelvin Senerpida , 24, nianang higayona.
Si Senerpida mibutyag sa kapolisan nga naglakaw sila pauli dihang kalit lang nga milabay ang wala hiilhing lalaki nga nagmotor ug dayong pusil ngadto kang Oyao.
Matud pa nga naglisod si Senerpida pag-ila sa gunman tungod sa kangitngit sa dapit. Si PO3 Martin Fortuna mibutyag nga ang amahan sa namatay maoy gilambigit sa pagpamaligya og illegal nga drugas sa maong dapit ug nadakpan kini sa maong kalapasan niadtong miaging tuig. (BANAT NEWS)
- Latest
