Gipayuhot nga payloader sakmit

CEBU, Philippines - Gisakmit sa Bureau of Customs (BOC) sa  Sugbo  ang usa ka payloader ug motorsiklo   nga  gipayuhot  agi sa Cebu International Port (CIP) kagahapon.

Matud pa ni Enforcement and Security Services (ESS) Customs Police District Commander Maj. Camilo Casculan Jr. nga gikompiskar ang maong payloader gumikan  sa kapakyas  sa pagdeklarar  niini  nga  pormal  sa iyang  “Inward Foreign Manifest”   dihang  gikarga  kini sa M/V Furiym 68 gikan  sa China.

Si ESS Special Agent 2 James Aguilar ug SA1 Wilfredo Erana miingon  nga dihang  ilang gi-inspeksiyon   ang  maong  kargamento, si Capt. Yan-Shan Bo ang kapitan sa  barko  nga gikargahan  niini  wala  makapakita sa mga dukomento   bahin  sa importasyon sa maong payloader ug   usa ka big bike .

Matud pa ni Maj. Casculan ang maong payloader ug motorsiklo gibanabanang nagkantidad og P1.5 milyones   ug  gikustodiya  kini  karon  sa  BOC. (/WC) (BANAT NEWS)