Wa ilhing lalaki napusa sa trak

CEBU, Philippines - Maayong pagkapusa sa ulo ug nangagupok ang kalawasan sa usa ka traysikad driver human kini malatayi sa 10-wheeler truck pasado ala-una kaganihang kaadlawon diha sa national highway sa Guiwanon sa barangay Poblacion, lungsod sa Dalaguete.

Ang biktima padayon pa nga giila sa kapolisan apan gituohan kini nga traysikad drayber sa maong dapit samtang wala pa usab mailhi ang drayber sa 10-wheeler truck nga may plaka giingong adunay nakasuwat nga “505 ON.”

Sumala pa nga padulong sa habagatan ang trak dihang naligsan niini ang biktima nga nagbarog sa daplin sa dalan. Human sa maong panghitabo giingong gibiyaan lang sa drayber sa 10-wheeler truck ang lawas sa biktimang naglunang sa dugo nga wala nay kinabuhi ug mipasirit palayo sa maong dapit. (BANAT NEWS) 

Show comments