Social worker gipusil angol sa wala ilhing kriminal

CEBU, Philippines - Napusilan angol  ang  kanhi social worker sa   wala  hiilhing  kriminal  didto sa utlanang  dapit tali  sa mga barangay Jagbuaya  ug  Sumon sa lungsod sa Tuburan sa miaging  gabii.

Ang biktima mao si Jovannie Puno, 34 , minyo, nagpuyo sa barangay Daanlungsod   ug kanhi social worker sa barangay.

Samtang ang  kriminal  wala matumbok sa paghimo ning balita tungod usab sa kangitngit sa palibot  sa maong  lugar  niadtong higayona.

Si SPO4 Carlo Canseko sa Tuburan Police Station  mibutyag  sa Banat News   nga ang biktima  nangangkon nga political supporter ni mayoralty candidate Rose Suezo ug naghatud  sila  sa  mga PCOS machine didto sa barangay Summon   sa maong  higayon.

Apan  dihang  mipauli  na  sila  sakay sa motor nga gemaniho ni Harry Montebon,  pag-abot nila sa maong lugar kalit lang milanog  ang  mga buto-buto   sa armas  gikan sa ngitngit nga bahin ug kalit lang namanhud ang paa sa biktima ug  nasuta nga naigo kini sa   bala  sa walang  paa. Dali   kining  gireport sa  kapolisan ug  pagkahuman   gihatud  usab  dayon ngadto  sa Tuburan District Hospital, apan  gibalhin  kini  sa tambalanan  sa dakbayan  sa Sugbo.

Padayon  pang  gisuta  sa kapolisan  ang  motibo  sa maong  pagpamusil  nga  gidudahang  may  labot  sa politika.

Si  Suezo  maoy  kaatbang  ni  mayor Aljun  Dimante  kinsa  nagpasubli  pagka-mayor  karong  adlawa.

Samtang  padayon  pa  nilang  gipanid-an  ang  kriminal  nga  miluthang  sa  biktima. (BANAT NEWS)