Pangampanya kutob karong adlawa na lang
CEBU, Philippines - Karong adlawa ang kataposang adlaw sa pangampanya sa tanang kandidato sa nasyonal ug lokal nga posisyon sumala pa ni Atty. Temie Lambino, Comelec-7 Regional Director.
Matud pa nga dili na pwedeng mangampanya ugmang adlawa (Mayo 12) ang mga kandidato nga naglakip sa pulong-pulong, pagpatapot og campaign materials. Ang molapas sa maong balaod mahimong madiskwalipika.
Sugod karong adlawa usab gipahugtan sa kapulisan ang mga checkpoint kalabot sa gun ban ug unyang tungang gabii ipatuman ang liquor ban.
“We are not joking, we are not bluffing. We are very serious with this. We have the full force of the AFP and the PNP. We can apprehend you and we can quell every chaos that you would create during the election,â€pasidaan pa ni Lambino.
Si Lambino mipasidaan usab bahin sa money ban nga nagdili sa mga kandidato, supporters, pamilya sa kandidato pagdala, pag-withdraw og dakong cash ang masakpan niini mahimong i-disqualify.
“I’m so confident… by this time na we are 100% ready for the election and that is why we are waiting for the arrival of the PCOS (Precinct Count Optical Scan) Machines,†matud ni Atty. Eddie Aba, Provincial Comelec Supervisor nga nagpasabot sa 30 ka backup nga PCOS Machines gikan sa Manila. (AJ dela Torre ug Kristianne Marie Alcaria, CNU Intern) (BANAT NEWS)
- Latest
