Rama, 11 CH officials gikasohan sa Konseho
CEBU, Philippines - Gipasakaan usab og kaso si Mayor Michael Rama ug 11 ka opisyal sa Cebu City Hall diha Office of the Ombudsman-Visayas nga paglapas sa Anti-Graft and Corrupt Practices Act sa mga sakop sa Cebu City Council.
Ang kaso naglambigit sa pagpirma ni Rama og P50.4 milyones nga kontrata tali sa usa ka pribadong kontraktor aron pagtukod og 2.2 kilometros nga karsada alang sa Bus Rapid Transit diha sa South Road Properties.
Matud ni Vice Mayor Joy Augustus Young, Konsehal Margarita “Margot†Osmeña ug sa ubang mga konsehal nga gidali-dali ang pag-aprobar sa kontrata nga gipirmahan ni Rama uban ni Bernabe M. Gilbor, tag-iya sa Supreme ABF Construction. Ang construction company ni Gilbor maoy nakadaug sa bidding sa paghimo og karsada nga ang bayad adto ibanon sa P100 milyones nga budget nga gitagana alang sa “SRP Development.â€
Si Konsehal Osmeña nagkanayon nga dili makapirma ang mayor og mga kontrata nga naglambigit og kwarta kun walay pagtugot sa konseho sa dakbayan.
Gawas ni Rama, ang ubang mga gipasakaan og kaso mao sila si Rafael Christopher Yap; Jose Marie Poblete; Dominic Diño; Eustaquio Cesa; Ester Concha; Alipio Bacalso; Konsehal Jose Daluz III; Nenita Fernandez ; City Engr. Kenneth Carmelita Enriquez; Engr. Joel Reston; Engr. Yuri Sesican ug ang kontraktor nga si Bilbar.
Si Rama ug Poblete miingon nga tubagon nila ang kaso apan wala pa mobutyag sa ilang argumento. (Rene U. Borromeo/EIM) (BANAT NEWS)
- Latest
