CEBU, Philippines - Gihulagway sa kapolisan nga naibtan sila og “tunok†tungod sa pagkasikop kang Joavan Fernandez, ang kontrobersyal nga anak ni Talisay City Mayor Socrates Fernandez.
Gihimakak usab ni Talisay City Police Chief Elmer Lim ang pasangil ni Joavan nga gikulata siya sa mga polis ug planted lang ang armas, mga bala, ug granada nga nakuha gikan kaniya.
Si Joavan nasikop pinasikad sa bench warrant sa kasong slight physical injury nga giluwatan ni Municipal Trial Court in Cities (MTCC) Judge Mario Manayon.
Giingong nakuhaan kini og usa ka armas nga may upat ka buhing bala, usa ka bala sa kalibre .45 nga pistola ug usa ka granada.“Actually karung panahona, election baya ta ‘ron, nalipay gyud mi, nalipay gyud ko nga murag nakuhaan among burden,†padayag pa ni Lim. Samtang si provincial police director Patrocinio Comendador miingon nga niining paagiha di na makapasakit og laing tawo si Joavan.
“He's better off there (prisohan) than harming the community, siguro kahibaw sad siya sa iyang binuhatan because he has been eluding the police for so long,†matud pa ni Comendador.
Si Mayor Fernandez sa iyang bahin nasagmuyo sa pagtratar kaniya sa kapolisan dihang wala siya tuguti nga magkaestoryahay diha sa presinto nianang pagkasikop sa anak.
Gikwestyon usab niya ang pangangkon sa mga polis nga nakuhaan og armas si Joavan tungod kay dunay mga tawong nakakita nga wala gyuy nakuhang ebidensya gikan sa iyang anak. (BANAT NEWS)