13 balay naugdaw sa Mandaue City
CEBU, Philippines - Di mominos 13 ka mga panimalay ang gilamoy sa sunog nga miulbo ala 1:11 sa hapon hangtod ala 1:34 kagahapon sa Sitio Sapa 2, Subangdako dakbayan sa Mandaue.
Matud pa ni Judith Coles, 50, usa sa nasunogan og panimalay nga nahinabi sa Banat News ang sunog naggikan sa ika-duhang andana sa panimalay ni Henaro Luchavez apan wala kini kabantay kay naa man sila sa silong kay naninda.Dugang pa ni Coles nga ikatulo na kining sunog nga nahitabo niadtong 1999, 2005,ug karong 2013.
“Nagsawod ko og tubig ato dihang nakit-an nako nga nasunog na ang panimalay ni Luchavez ug akong giingnan ang akong mga silingan nga pagkuha mo og tubig og ibubo sa kayo apan wa nila panumbalinga ang akong gisulti kalit silang nanagan ug mikuha sa ilang mga butang,†asoy pa ni Coles. Nakontrolar ang sunog paglabay sa ala 01:34 sa hapon gikan nadawat ang alarma sa 01:11.Matud ni SFO3 Roy Garcia nga magtulod-tulod ang duha ka pamilya kong asa gyud nagsugod ang sunog mao nga ilang ipatawag ang duha ka pamilya aron maklaro ang tanan.
Dugang pa ni Garcia nga di mominos P130,000 ang danyos sa maong sunog ug wala hinuoy nakalas sa hitabo.
Gisusi pa sa siyudad sa Mandaue kung pila ka pamilya ang naapektahan. (Genevieve Dejito ug Ray Anthony Espedido, CNU Interns/EIM) (BANAT NEWS)
- Latest
