Usa patay sa ambush
CEBU, Philippines - Usa ang patay samtang nakaipsot ang kauban niini nga gituohang maoy target sa mga mamumuno human gi-ambush ang usa ka pribadong sakyanan kagahapon alas- 4 sa kaadlawon diha sa dalan P. Del Rosario sa eskina sa Osmeña Blvd. barangay San Antonio dakbayan sa Sugbu.
Ang namatay padayon pang giila sa kapolisan apan naila kini sa alyas nga Jose nga termporaryong nagpuyo sa Sitio Kasambagan, A. Lopez, Brgy. Labangon dakbayan sa Sugbu ug lumad sa dakbayan sa Bacolod.
Sa pasiunang imbestigasyon nga gihimo sa Cebu City Police Office (CCPO) nga gipangulohan ni SPO4 Alex Dacua mibutyag kini nga ang biktima nagsakay sa puwa nga Honda CRV nga may plakang GTL 439 kauban ang iyang silingan nga si Vivencio Baldesamo Jr. akaâ€JV†kinsa tag-iya sa maong sakyanan.
Nasuta sa imbestigasyon ni Dacua nga gikan sa derby sa buwangan sa barangay Tejero ang duha apan pag-abot sa nahitaboan mi-urong ang sakyanan tungod kay red signal apan dihay usa ka wala mailhing tawo ang miduol sa ilang likod ug mipauwan og bala sa kaupat ka higayon.
Si Jose naigo sa likod nga bahin sa iyang lawas. Ang gunman sumala pa ni Dacua nangutana dayon sa pag-ingon og: “Asa man si JV?†Diha-diha kalit nga gipasutoy og padagan ang sakyanan palayo lahos ngadto sa A. Lopez.Ang nahitaboan usa lang ka block gikan sa Police Station 2 ug Police Regional Office-7.
Nakuha sa mga sakop sa Crime Scene Investigation ang usa ka slug nga gituohang gikan sa bala sa usa ka 9mm. Matud ni Dacua nga posibleng “personal grudge†ang hinungdan sa pagpamusil. (BANAT NEWS)
- Latest
