CEBU, Philippines - Miulbo ang dakong sunog diha sa usa ka 2-storey building nga nahimutang sa V. Aranas Barangay San Nicolas kagahapon sa buntag pasado alas 7.
Ang maong building nga Ngosiok Marketing ang gipanag-iya sa usa ka Carlos Tan Ngosiok gihimong residential ug business.
Matud pa ni SFO1 Lowel Oppolentisima, sa Cebu City Fire Department nga ang maong sunog giisa sa 3rd alarm apan daling natabang ug duha lang ka kwarto ang naugdaw.
Dugang pa niini, nga maayo na lang kay walay mga stay-in nga trabahanti ang naangol ug bugtong mga butang lamang ang na-damage.
Gibana-banang mokabat sa P375 mil ang danyos sa maong sunog nga nakontrolar sulod sa 10- minutos.
Matud pa nga ang mga trabahante nakabantay nga adunay bagang aso nga migawas sa usa ka kwarto ug dihang ilang gisusi kalit nga midako ang kalayo.
Gisuta pa karun sa kabomberohan kun unsay hinungdan sa maong sunog apan usa sa ilang gitutukan ang posibilidad nga “electrical†ang sinugdanan niini. (BANAT NEWS)