Mama nga mibugaw sa anak gikasohan
CEBU, Philippines - Napasaka na sa prosecutor’s office ang kasong Human Trafficking in relation to Child Abuse kagahapong adlawa batok sa usa ka inahan nga giingong maoy mibugaw sa iyang 13-anyos nga anak.
Kini human mogawas ang resulta sa medical examination sa bata nga duna kini mga bun-og ug mga samad ug garas sa kalawasan. Ang bata mipasangil nga gibaligya siya sa inahan ngadto sa tulo ka mga lalaki sugod niadtong Pebrero.
Si PO1 Janeth Moralde, Women’s Desk sa Tabogon police station miingon nga dali rang napasaka ang kaso kay nakuha man ang gunting nga gigamit sa inahan atol sa hot pursuit operation ug wala man mubabag sa kaso ang pamilya sa suspetsado.
“Na-feel nako nga way concern ang suspek gani siya mismo nisulti nako nga no communication at all (sa pamilya niini),†matud pang Moralde. Dugang pa ni Moralde nga i- turnover sa Tabogon social welfare ang bata sa rehiyonal nga buhatan sa Department of Social Welfare and Development.
“Gusto usab kaayo sa bata ug pwerte niyang lipaya nga i- turnover siya sa social welfare kay wala may moatiman kaniya,†matud pang Moralde. (/EIM) (BANAT BALITA)
- Latest
