CEBU, Philippines - Ang Cebu Provincial Police Office (CPPO) nagsugod na sa pagpamutang og Advance Command Post sa mga giingong apil sa Election Watchlist Areas (EWAS) aron panid-an ang kalihukan sa eleksyon.
Ang mga lugar nga nabutang sa EWAS mao ang Second District, Third District, Fourth District ug Fifth District.
Si Sr. Supt. Patrocinio Comendador, director sa CPPO, mibutyag nga ang trabaho sa kapulisan mao ang pagsiguro sa siguridad sa katawhan bisan pa og dili gyud nila mawala ang hulga sa kagubot.
“As PNP, we are in the position to minimize any trouble,†matud ni Comendador. “This is part of our operation called Safe 2013 and this is precisely the reason we have augmented personnel for the people to feel safe,†siya midugang.
Si Comendador mihatag na og direktiba kang Supt. Glenn Ares, Deputy Provincial Director for Administration, nga maoy overall supervisor sa habagatang Sugbo samtang si Supt. Renato Malazarte, Deputy Provincial Director for Operations, maoy overall supervisor sa amihanang Sugbo. (Ria Mae Booc/EIM) (BANAT NEWS)