Joavan hulga sa publiko–polis
CEBU, Philippines - “We cannot assure the safety of Joavan (Fernandez),†kini maoy gibuhiang pamahayag sa hepe sa kapolisan sa lalawigan sa Sugbo, Sr. Supt. Patrocinio Comendador human ning laing pasangil nga namusil kini sa San Isidro Talisay City sa miaging gabii.
"At this point, we are considering that he is armed and dangerous and we cannot assure his safety anymore especially from our operating units,†pasabot pa ni Comendador. Dugang pa ni Comendador ang iya usab nga gimandoan ang mga sakop sa Provincial Intelligence Branch (PIB) nga makig-koordinar ngadto sa kapolisan sa dakbayan sa Talisay. Samtang gi-awhag ni Comendador ang mga nabiktima ni Joavan nga mopasaka og kaso.
Apan sumala pa niya, bisan dili mohinayon og kiha si Eduardo Largo Jr. mahimo nilang ipasaka ang kasong paglapas sa Comelec gun ban batok ni Joavan. Samtang si Police Regional Office (PRO-7) Regional Director Chief Supt. Marcelo Garbo Jr. miawhag nga angayan na gyud nga mahunong na ang mga bating binuhatan ni Joavan.
“Neutralized him and let us stop to his long time skirmishes with the law,†kini maoy gibuhiang pamahayag ni Garbo.
Ang biktimang si Largo, nakagawas na sa Vicente Sotto Memorial Medical Center kagahapon sa udto human matambali sa samad sa iyang tuong bukton ug walang tiil.
Matud pa ni Largo, bisan og kabus lamang sila mopasaka gyud siya og kaso batok kang Joavan. Sumala pa niya wala siya’y atraso kang Joavan ug gikasagmuyo niya ang gibuhat kaniya niini. (Lesley Caminade-Vestil/EIM) (BANAT NEWS)
- Latest
