CEBU, Philippines - Duha ka notadong kawatan nga kanunay’ng tigpangawat sa usa ka hotel sa uptown area sukad niadtong buwan sa Marso hangtod karung buwana nga miigo og mga langyaw nasikop sa kapolisan kagahapon
Ang mga nasikop mao sila si Rolando Garcing, Sabalanse 31, ug Fredielyn Paquilla Cuyos, 24, pulos molupyo sa barangay Carreta.
Samtang ang biktima nagpaila sa ngalang Mr. Charles, usa ka Korean national, Japanese national ug American national nga si Everett Howard Lynch, usa ka private investigator sa Estados Unidos. Ang hepe sa kapolisan sa City Intelligence Branch, Chief Insp. Romeo Santander nagkanayon nga nakadawat sila og reklamo bahin sa kanunay nga kinawatay sulod sa mga kwarto sa Windland Tower Condominium.
Dihang gisusi sa mga sakop sa CIB ang CCTV Camera sa maong edipisyo ilang nakita ang dagway sa mga suspetsado hinungdan nga ila dayon kining gipanikop ug gitanggong sa prisohan ug ang tukmang kaso giandam na batok kanila. (BANAT NEWS)