Mga kandidato gipahimangnoan sa Comelec
CEBU, Philippines - Ang Commission on Election mipahimangno sa mga kandidato nga mosunod sa kamandoan sa ilang buhatan kabahin sa pagpamutang og mga campaign materials.
Si Talisay City Comelec officer Corazon Moran mipahimangno sa mga kandidato sa siyudad kabahin sa balaod sa Comelec nga mao ang Akta Republika 9006 kon “Fair Election Actâ€.
Ang maong pahimangno ni Moran may kalambigitan kini sa umaabot nga eleksiyon karong Mayo 13.
Gibutyag ni Moran nga mipadala na siya og suwat ngadto sa mga kandidato sa siyudad kinsa nakitang dunay nahimong kalapasan sa rules sa Comelec kabahin sa pagpamutang sa ilang campaign materials.
Gipasabot ni Moran nga base sa balaod sa Comelec ang gitugot sa nahisgutang ahensiya nga mga common poster area mao ang plaza, merkado, barangay centers ug sa lugar nga agianan sa daghang pedestrian o diha sa mga agianan sa mga sakyanan sa lungsod o siyudad nga daling makita ug mabasa.
Ang pagpamutang og mga campaign poster sa pribadong sakyanan gitugot usab kini apan kinahanglang motuman usab kini sa 2 feet x 3 feet nga sukod sa poster nga ibutang samtang 81/2x14 ang gitugot nga sukod sa leaflets.
Apan ang pagpamutang og campaign poster sa mga public utility vehicle sama sa jeepney, buses, tricycles ug taxi ang gidili. (BANAT NEWS)
- Latest
