CEBU, Philippines - Hustisya maoy gipangayo karun sa pamilyang Montesclaros human sa gihulagway nilang dili tawhanong pagpatay sa ilang 17-anyos nga anak niadtong Biyernes sa hapon diha sa Barangay Guadalupe, dakbayan sa Bogo sa usa ka opisyal sa kapolisan.
Wala kapugngi sa ginikanan sa biktimang si Vincent Paul Montesclaros nga silang Lilibeth ug Paul nga makahilak atubangan sa media tungod sa nahiaguman sa ilang anak. Matud pa sa amahan, wala niya damha nga mao diay ang mahitabo sa iyang anak sa pakigrelasyon niini ngadto sa anak sa suspetsadong si Chief Insp. Ceferino Tabay.
Dugang pa ni Paul nga sa initial findings sa Bogo City District Hospital tulo ka samad pinusilan ang nahiaguman sa iyang anak sa tampihak, dughan ug tiyan.
Apan nasuta diha sa punerarya nga aduna kini pito ka “gunshot wounds†ug pwerteng bun-oga sa nawong niini. Hinuon wala maklaro kung autopsy report ba ang gibasehan sa magtiayon.
Gihulagway ni Paul nga dili binuhatan sa usa ka ensakto og buot ang gihimo ngadto sa ilang anak.
“Before siya gipusil, gikulata siya, gi-torture siya, pait kaayo ang iyang (Tabay) gibuhat sa akong anak,†matud pa sa amahan.
Matud pa sa mga ginikanan sa biktima nga mismo ang anak sa suspek mi-text pa sa ilang barkada nga nagpatabang nga luwason ang biktima gikan sa iyang amahan.
“Tabangi ninyo si Vincent kay gikulata ni Daddy,†sumala pa ni Paul base sa text message sa anak sa suspek ngadto sa barkada sa ilang anak.
Gipadayag usab sa ginikanan sa biktima nga nasayran nila nga nagka-uyab ang 16-anyos nga anak sa suspetsado ug ang biktima ug tungod sa kaestrikto sa suspek ilahang gibadlong ang anak nga dili ipadayon ang relasyon nila sa iyang uyab, apan gitago-tago sa duha ang ilang relasyon.
Samtang si Tabay sa iyang bahin, mipadayag usab nga ang iyang nahimo usa lang ka paghigugma sa iyang anak.
Matud niya, self-defense lang ang iyang gihimo dihang iyang naabtan ang anak nga nagkadugo ang ilong ug wala niya kapugngi ang kaugalingon pagkakita nga adunay gibitbit nga armas ang biktima hinungdan nga iyaha kining napusilan. Limitado lang ang gihatag nga impormasyon ni Tabay bahin sa nahitabo sanglit iya na lang gisalig ang tanan sa imbestigasyon.
Giangkon hinuon niya nga nagmahay siya sa iyang nabuhat mao nga iyang gidala sa tambalanan ang biktima ug pagkahuman mitahan siya dayon sa kapolisan.
Ang hepe sa kapolisan sa dakbayan sa Bogo, Supt. Anthony Bagarinao mipasalig ngadto sa pamilya sa biktima nga wala silay gidapigan.
Nakuha diha sa crime scene ang duha ka kabhang sa kalibre .45 ug tsinelas sa biktima. Samtang ang armas nga giingong iya sa biktima gi-turnover ni Tabay uban usab sa iyang service firearm nga kalibre .9mm.
Ang pamilyang Montesclaros nagpakitabang karun sa mga sakop sa National Bureau of Investigation aron mapalawman ang imbestigasyon kalabot sa kamatayon sa biktima. (BANAT NEWS)