Cortes mipakusog sa kampanya pagka-governor

CEBU, Philippines - Hilom  nga  mipakusog  sa  iyang  kampanya  si Independent gubernatorial candidate Boyet Cortes  sugod  niadtong  Marso 30   ang  petsa  nga  gitakda  sa Commission  on  Elections  pagtugot  sa lokal  nga  mga  kandidato  nga  makapangampanya  na  sa ilang  kandidatora.

Si  Cortes didto magsugod  pagbukas sa iyang kampanya sa lungsod sa Argao sa ika-duhang distrito sa milabay’ng adlaw tungod sa imbitasyon sa pamilyang Kintanar ug pamilyang Chavez,  dayon  iyang gisunod pagbisita  ang lungsod sa Sogod   nga sakop sa kinto distrito.

Matud ni Cortes nga dili siya mopahigayon og mga caravan   sama sa gihimo nila ni Liberal Party Gobernatorial candidate Hilario Junjun Davide III ug One Cebu candidate Pablo John Garcia tungod kay pagpasikat lang kini ug maghasol- hasol lang sa mga Sugboanon nga maoy mahago.

Apan  ang  iyang  himuon  mao  ang sukwahi  nga  pamaagi  tungod kay  matag bisita niya sa mga lungsod ug dakbayan sa Sugbo mang- apod- apod  siya og mga basahon  nga mag-edukar sa mga Sugboanon kun si kinsa nilang mga kandidato  pagka-gobernador  sa lalawigan ang angay pilion.

Alang kang Boyet Cortes ang Sugbo nagkinahanglan karon  og lider nga makamaong mopalambo   sa Sugbo, may independenteng  panghunahuna nga dili magsalig og mga partido,  ug  dunay kasinatian sa pagpalambo sa ekonomiya ug turismo sa Sugbo.

Dugang ni Cortes ang iyang nagtipun-og nga mga schedule sa  mga lungsod nga iyang bisitahon ug suroyon nag -agad  sa mga nagpusot- pusot nga mga imbitasyon  kaniya  sa iyang mga supporter sa maong mga lugar nga maoy maningkamot pagpatapok sa mga katawhan  sa barangay  nga  maminaw  sa iyang  mga  pamahayag.

Dugang ni Cortes   nga apil sa iyang bisitahon mao ang tanang mga sabungan sa Sugbo og gani kagahapon gibisita niya  ang New Galera De Mandaue sa dakbayan sa Mandaue.

Si  Boyet Cortes nahimong popular tungod sa  iyang programa sa telebisyon nga Lets Do Business nga nag- promote og mga livelihood program.( /WC)  (BANAT NEWS)