CEBU, Philippines - Mikabat sa 18 ka mga balay ang naugdaw ug laing tulo ang nakan-an sa kalayo sa nahitabong sunog kagahapon sa hapon diha sa sitio Lemonsito, barangay Gun-ob, dakbayan sa Lapu-Lapu.
Si FO2 Cesario Ceniza sa Lapu-Lapu City Fire Station nga nahinabi sa Banat News kagahapon mibutyag nga mikabat ngadto sa P320,000 ang danyos sa maong sunog ug gipaubos kini sa 3rd alarm.
Matud ni Ceniza nga nadawat nila ang alarma sa sunog alas 2:23 kagahapon sa hapon ug nakontrolar nila ang kayo alas 2:31.
Ang sunog giingong nagsugod sa balay ni SPO1 Joel dela Peña diin ang hinungdan niini electrical misuse. Si Ceniza nagkanayon nga ang maong balay ni Ceniza sulod na sa usa ka tuig nga wala nay nagpuyo niini apan gituohang wala i-switch-off ang circuit breaker sa kuryente.
Gihulagway ni Ceniza nga sikit-sikit ang kabalayan sa lugar ug kasagaran niini ginama sa gaay nga mga dapat hinungdan nga dali kaayong mikuyanap ang kayo. (BANAT NEWS)