Duha ka mga lalaki, gi-salvage
CEBU, Philippines - MATAG-OB, LEYTE – Duha ka mga lalaki ang napalgang patay nga nabulit og samad pinusilan sa ilang kalawasan niadtong Biyernes Santo diha sa kilid sa dalan sa Sitio Libo sa Brgy. Balagtas utlanan sa Kananga ug Matag-ob.
Ang mga biktima gibuliboran og mga masking tapes gikan sa tuhod padung sa ilang mga siko ug nakaangkon og mga samad pinusilan ug mga dinunggaban sa lawas. Gituohang gipatay sa ubang lugar ug diha lang gilabay ang duha sa mga kriminal.
Si Mayor Michael Torrevillas kinsa usa ka shooting champion, ug usa sa miresponde sa lugar miingon duha ka basiyo sa bala sa M-16 ug kalibre .45 ang nakuha diha sa crime scene nga sa iyang pagduda ni-jam sa armas tungod sa pagkalumping niini.
Sumala pa sa mga residente ngadto sa kapolisan, tulo ka motorsiklo ang nabantayan nilang mi-agi sa lugar alas-3 sa kaadlawon. Apan nagtuo si Torevillas nga lookout ang mga nagmotor ug duna gyuy gikargahang sakyanan sa duha.
“It’s not easy to transport bodies on motorcycles, especially that they were hogtiedâ€, matud pa sa mayor. Gihulagway usab niyang kursunada kaayo ang mga killers tungod sa gunban ug labaw na nga nagdala sila sa mga biktima.
Matud pa sa mga residente, pito ka buto sa armas ang ilang nadunggan, apan nagtuo ang kapolisan nga patay nang daan ang duha dihang gilabay apan gi-usban lang pinaagi sa pagpusil diha sa lugar aron masigurong patay gyud ang duha.
Usa sa mga biktima nga gibanababanang 20-anyos adunay patik nga “Alan Lariva†sa iyang paa; patik sa imahen sa Mother of Perpetual Help; “Ina Ko†sa tuong dughan ug “Rhea, I love you & Randy†sa wala. Duna sad timailhang nagsuot kini og singsing sa wala nga singsingan.
Samtang ang ikaduhang biktima adunay patik sa kalabira sa walang batiis ug usa ka bitoon sa likod; letrang “J†sa walang kamot.
Dili lang kini ang unang higayon nga dunay gi-salvage nga may patik nga “Ina Ko†sa Leyte. Niadtong Marso 3, usa ka lalaki gihapon nga dunay susamang patik ang nakit-ang patay sa Brgy. Lilo-an sa Ormoc City. (/EIM) (BANAT NEWS)
- Latest
