CEBU, Philippines - Usa ka dayo nga gituohang notadong kawatan ang nasikop human siya maaktohi nga nangawat gikan sa donation box sa Cebu Metropolitan Cathedral, siyudad sa Sugbo Biyernes sa buntag. Ang nasikop giila nga si Gerlick Polo, 28, lumad nga taga Baybay, Leyte ug wala’y nailhang address diri sa siyudad sa Sugbo.
Base sa report sa Waterfront Police Station, ang gwardiya sa simbahan nga si Romulo Cenerpida ang nag-roving sulod sa simbahan pasado alas-10 sa buntag maoy nakasigpat ni Polo nga daw adunay giutingkay sa luyo dapit sa maong simbahan.
Iya dayon kining giduol ug nasakpan gayud niya kini nga nanguha sa mga kwartang de-papel gika sa donation box gamit ang usa ka-galvanized wire.“Nakabawog ang tumoy sa wire unya iyang isulod sa hulganan sa sinsilyo unya ikab-it ang mga papel. Ang sinsiyo, di na niya mahilabtan,†matud pa ni SPO4 Ernesto Caballero.
Giaresto gilayon sa gwardya ang maong kawatan kinsa nakuhaan og tulo ka tag-P20 ug ang galvanized wire nga iyang gigamit pagtuhog sa kwarta.
Sulod sa prisohan, ang suspetsado, kinsa bayoton matud pa ni Caballero, ang nagpakilooy nga pagawson kay mobalik na unta kini sa iyang probinsiya Biyernes sa gabii. (BANAT NEWS)