P500, 000 ang danyos sa nasunog nga tire shop ug tailoring shop naugdaw
CEBU, Philippines - Usa ka tire shop ug tailoring shop ang nasunog kagahapon diha sa dalan M.J. Cuenco Avenue pasado alas-5 sa hapon.
Ang maong sunog milamoy sa Drex Tire Shop ug Unisports Tailoring sa maong dapit.
Miabot og 20 minutos una pa napawong ang maong sunog nga giisa ngadto sa third alarm.
Gisubay pa karon sa kabomberohan ang hinungdan sa sunog.
Gikatakdang ipatawag unya sa mga arson investigators ang mga sastre sa maong tailoring shop ilabi na si Mildred Taraya ug ang tag-iya sa tire shop nga si Endre Reyes.
Matud pa managlahi og alegasyon ang duha, tungod pulos sila nagtuloranay kung asa gyud nagsugod ang kalayo, kung sa tailoring shop ba o sa tire shop.
Gibanabanang moabot sa kapin sa tunga sa milyon ka pesos ang danyos niini ug may usa ka Jaden Bustamante ang gitabang tungod kay na-suffocate sa aso.
Naproblema ang kabomberohan pag-atraka sa sunog tungod sa kakulang nila sa mga kahimanan sama sa self-breathing apparatus ug chemical foam nga pangpawong sa kalayo nga mugna sa mga ligid o kemikal. (BANAT NEWS)
- Latest
