Ambulansya vs motor, usa patay
CEBU, Philippines - Usa ang patay dihang nagbangga ang usa ka motor ug ambulansya sa lungsod sa Medillen diha sa barangay Logo sa lungsod sa Borbon samtang paingon kining maghatud og pasyente dinhi sa dakbayan sa Sugbo.
Patay nang nadangat sa tambalanan si Joie Aballe, 30, taga barangay Batad sa lungsod sa San Remegio samtang kritikal sab ang kahimtang sa angkas niini nga si Arnold Pagatpat.
Giila ang drayber sa ambulansya nga mao si Felizardo Brion, 58, taga Curva Medillen kinsa malinawong mitahan sa kapolisan human sa aksidente.
Matud ni SPO2 Owenn Baticuang sa Borbon Police nga nahinabi sa Banat News maghatud unta og pasyente sa dakbayan sa Sugbo ang ambulansiya dihang gikadinasmagay niini ang motorsiklo sa mga biktima.
Sumala pa nga kusog kaayo ang dagan sa motorsiklo ug pinatakilid pa kining miliko sa kurbada apan nikawat kini sa lane sa ambulansya nga mao say pagbutho sa lugar hinungdan sa ilang panagsungag.
Daling gidala sa Damolog District Hospital sa lungsod sa Sogod ang mga biktima apan patay na si Aballe ug grabe si Pagatpat. (Darrel A. Carumba/EIM)
Gwardiya nga taga Mabolo namatay tungod sa rabies
Ni Rene U. Borromeo
Usa ka security guard nga taga Barangay Mabolo ang unang nahimong namatay tungod sa rabies dinhi sa Cebu City.
Nasuta nga niadto pang nakalabay’ng tuig napaakan og iro nga may rabies ang biktima apan wala niya kini patambali og anti-rabies vaccine.
“Advice namo sa mga napaakan og dog nga kun na-diagnose ang iro nga positive sa rabies kinahanglan nga magpabakuna g’yud dayon,†sumala pa ni Cebu City veterinarian Alice Utlang.
Matud pa sa report, ang nakapaak sa gwardiya iyaha rang binuhi nga itoy ug gitambagan sa mga silingan nga magpa-inject dayon sa Animal Rabies Control section sa City Health Department.
Si Dra. Pilar Romero, assistant head sa Department of Veterinary Medicines and Fisheries (DVMF) miingon nga walay na-rekord sa ilang buhatan nga nataptan og rabies sa milabay’ng tuig, duna hinuon silay natalang 12 ka rabies cases sa mga iro sa milabay’ng tuig. Ang barangay Basak-Pardo, Apas, Hipodromo, Pasil, Guadalupe, Sambag 2, Mabolo, Sudlon II, Punta Princesa adunay tagsa ka mga kaso sa may iro nga dunay rabies ug duha usab ka kaso sa Bulacao. (BANAT NEWS)
- Latest
