Usa ka lalaki gitumba sa riding in tandem, ‘gunman’ mitahan
CEBU, Philippines - Patay ang usa kalalaki dihang gipusil sa iyang silingan sa Central Poblacion, syudad sa Naga pasado alas-9 sa gabii sa miaging Biyernes.
Ang biktimang si Danilo Bucao, 29, molupyo sa Barangay Tangke II ang gipusil patay ni Rendel Rey “Momoy†Puno, 21, ug laing usa nga wa pa mailhi.
Matud pa sa imbestigasyon sa kapulisan, si Bucao ang naglingkod daplin sa dalan sa dihang naabot ang duha ka suspek sakay sa usa ka motorsiklo ug gipusil ang biktima.
Si Puno nga nagsakay sa luyo maoy gitumbok nga mipusil kang Bucao sa makatulo ka higayon, nakadagan pa ang biktima apan nahagba sa usab kini dayon.
Nakarekober ang pulis og usa ka slug gikan sa wala pa matinong kalibre sa armas.
Ang biktima gidala sa Minglanilla District Hospital apan gideklarar kini nga dead on arrival.
Ang suspek na si Puno ang misurender ala-una kagahapon sa kadlawon inubanan sa iyang amahan nga matud pa sa kapulisan mao’y nagkumbinsir kaniya pagtahan. Personal nga kasungian matud pa ang motibo sa maong pagpamusil. (EIM)(BANAT NEWS)
- Latest
