Kawani sa DENR gipusil patay
CEBU, Philippines - Usa ka kawani sa Department of Environment and Natural Resources sa lungsod sa Carmen ang gipatay samtang nagsakay sa iyang motorsiklo paingon na untang mopauli.
Ang gipusil mao si Jonathan Pepito,39, taga barangay Bagtik lungsod sa San Remegio .
Matud ni PO3 Gregoro Licayan sa Tabogon Police Station dihang nahinabi sa Banat News nilaktod og dalan ug anha milusot sa sityo Lamak sa barangay Ilihan apan pag-abot sa Sityo Colonia gipusil kini sa wala pa mailhing mga tawo.
Sumala pa nga daw gi-atangan nang daan ang biktima sa mga killers ug gituohang nasuhito sa lakaw sa biktima.
Ang biktima nakaangkon og tulo ka samad pinusilan sa luyong bahin sa ulo ug luyong bahin dapit sa sampot. Gisubay karon sa kapolisan kung may kalambigitan sa trabaho ang motibo sa krimen. (BANAT NEWS)
- Latest
