17 ka Cebuano nakombikto sa human trafficking

CEBU, Philippines - Aduna nay  17 ka mga Cebuanos ang nakonbikto sa human trafficking  nga gisentensyahan og pagkapriso sa tibuok nilang kinabuhi ug gipamulta og P20 milyones.

Matud pa sa data gikan sa Inter-Agency Council Against Trafficking (IACAT) nga aduna nay 106 ka tawo ang nakombikto  sa human trafficking sulod sa tuig 2003 hangtud sa Enero 7, 2013. Ang 17 niini mga Cebuano.

Sa maong bahin, si  kanhi Las Piñas Representative Cynthia Villar, usa sa mga authors sa Anti-Human Trafficking Act of 2003  nanawagan sa IACAT nga molusad og usa ka information campaign kabahin sa Republic Act 10364 o ang Expanded Anti-Trafficking Act of 2012, nga gipirmahan  ni Presidente Benigno Aquino III isip usa na ka balaod niini lang buwana. Nagkanayon si Villar sa iyang press release nga gipadala sa Banat News nga ang bag-ong balaod mahimo kining warning batok sa mga sindikato nga seryoso sa gobiyerno batok sa human trafficking.

"Mas marami ring resources ang ipinagkaloob ng batas para mapaigting ang paghabol sa mga sangkot sa naturang krimen," nagkanayon si Villar. Si Senadora Loren Legarda sa iyang press release nagkanayon nga ang pagpalapad sa maong balaod usa kini ka dakung lakang aron mawagtang and human trafficking sa atong nasud.

“ This speaks much of President Aquino’s strong resolve to address the problem of human trafficking, which has victimized many Filipinos especially innocent women and children,” matud pa ni Legarda, ang principal sponsor sa maong balaod. Usa sa mga probisyon ubos sa bag-ong balaod, gitangtang na ang "cloak of confidentiality" sa mga tawo nga apil o kunsabo sa paghimo sa human trafficking para dili na makatago sa publiko ang mga mihimo niini.  Ang maong balaod adunay silot nga 15 ka tuig nga pagkapriso ug ingon man multa nga P500,000 ngadto sa P1,000,000.00.

Ubos sa bag-ong balaod, ang gobyerno mahimo nang mogukod sa mga Filipino citizen, permanenteng nagpuyo sa nasud o Pilipino nga nakahimo sa maong salaod batok sa usa usab ka Pilipino, bisan pa kung ang human trafficking didto gihimo sa gawas sa nasud. (BANAT NEWS)