Granada mibuto usa angol
CEBU, Philippines - Putol ang mga tudlo sa usa ka 45-anyos nga lalaki human kini mabuthi sa gipunit niini nga parte sa usa ka granada gikan sa basurahan luyo sa tindahan duol sa Police Station 2 niini sa Osmeña Boulevard sa siyudad sa Sugbo kagahapon sa udto.
Daling gidala sa Cebu City Medical Center si Luther Labares human mibuto ang detonator sa M67 fragmentation grenade. Maayo na lang kay wala maigo ang lima ka buwan niini nga pag-umangkon nga natulog sa duyan dili layo sa granada. Si SPO4 Raymundo Capangpangan, team leader sa Special Weapons and Tactics (SWAT), mibutyag nga si Labares gikan nagtubag sa sugo sa lawas dihang nakakita sa itom nga bag.
Dihang iyang gisusi ang bag usa ka granada, ug buhing bala sa .22 revolver, wig ug underwear ang sulod niini.
Matud pa nga aksidenteng naliso ni Labares ang primer detonator sa granada hinungdan sa pagbuto niini. Swerte lang gyud nga dili ang tibuok explosive charge sa maong granada ang mibuto.
“Nakahungaw na daan unya wala nakadaug ang pressure maong nalagpot ang safety lever ug ang pull ring,†matud ni Capangpangan.
Ang kapolisan wala pa masayod kung si kinsa ang tag-iya sa maong bag ug sa granada. Matud ni Sr. Insp. Chuck Barandog, hepe sa Fuente Police, nga mga alas 12:40 sa udto dihang nakadungog sila og kusog nga buto dili halayo sa ilang estasyon.
“Posible nga gikan sa region (Police Regional Office (PRO)-7) but we still have to investigate further,†matud niya.
Sa iyang bahin, si Chief Supt. Marcelo Garbo, director sa PRO-7, mimando dayon og imbestigasyon aron sa pagsuta kung kinsa ang tag-iya sa maong granada.
Pinaagi sa serial numbers ug lot numbers niini, masubay kung giisyu ba kini ngadto sa Armed Forces of the Philippines o sa Philippine National Police.
“We will trace how the item napunta kay Luther as well as kung bakit napunta sa basurahan ang grenade,†matud pa ni Garbo. (BANAT NEWS)
- Latest
