Pagkanaug sa Birhen

CEBU, Philippines -  Ang  Basilica  del Sto. Niño magsaulog  sa pista  sa  Our Lady of Lourdes  karon, Pebrero 11 uban  sa Balaang Misa  sa  alas 4:00  sa hapon,  nga  sundan  sa solemni  nga  prosesyon.

Ang  mga Misa  sa Novena alang  sa Birhen  sa  Lourdes  nagsugod  niadtong  Pebrero 2,  nga gipatuman  sa Cofradia de la Virgen de Lourdes,  sa pagpanguna  sa  presidente  sa  organisasyon, nga  si Nena B. Gullas. The Cofradia  miilis  usab  og  bag-ong bêste  alang s a Balaang Birhen  sa  pagpangandam  sa kasaulogan  karong  adlawa.

Pipila  sa  mga  dagkong  bahin   sa novena  mao  ang “Pagkanaug sa Birhen”, ang  pagpahigayon  sa  buhing  paghulagway  sa  pagmilagro  sa  Balaang  Birhen  ngadto  ni  St. Bernadette  didto  sa  Lourdes, France, nga  gihimo  niadtong  February 9. Si  Rev. Fr. Romanico O. Cañon, O.S.A.  maoy  nagdumala  sa  Misa  sa Novena. Ang  mga  kauban  niya mao  si rector  Rev. Fr. Richard L. Pido. O.S.A.  sa Basilica del Sto. Niño; rector Rev. Fr. Jonas M. Mejares, O.S.A.; Prior Rev. Fr. Richard L. Pido, O.S.A., Rev Fr. Ian Narcissus C. Openia, O.S.A., Rev. Fr. Leonard B. Realiza, O.S.A., Rev. Fr. Achilles G. Secio, O.S.A. and Rev. Fr. Tito D. Soquiño, O.S.A.

Ang  buhing  paghulagway   sa   “Pagkanaug sa Birhen”   usa  ka naandang  pagtulon-an   nga gisugdan  kaniadto  ni  Don Juan ug  Doña Andrea Rivera, mga  ginikanan  sa  inahan  sa  mga  Gullas  nga  si  Inday Pining Rivera Gullas.

 â€œKanunay  nakong  gisultian  ang  akong  asawa nga si Nena  nga makahilak  gyud  ko matag  higayon  nga  akong  saksihan   ang  buhing  paghulagway   sa  Pagkanaug sa Birhen,   usa  ka pagtulon-an  nga  gisugdan  sa akong  mga  apohan. Makaingon  ako  sa  walay kabalaka  nga  mao  lamang  kini  ang  bugtong buhing  paghulagway  sa pagmilagro sa Mahal  nga  Birhen ngadto kang  St. Bernadette,” matud pa ni  Jose “Dodong” Gullas, ang Chairman sa The Freeman chairman  Executive  Vice Presidente  sa  University of the Visayas.  (BANAT NEWS)