CEBU, Philippines - Usa ka mabdos ang gidakop human gipasanginlang namaligya og ginadiling drugas atol sa buybust operation sa kapolisan sa Mandaue diha sa Brgy. Alang-alang sa milabay’ng gabii. Ang nasikop mao si Riza Sarte, 28, residente sa maong dapit kinsa tulo ka bulang mabdos.
Matud pa ni PO1 Ariel Gingco nakadawat sila og impormasyon nga si Sarte namaligya og shabu sa maong dapit hinungdan sa gihimong surveillance batok kaniya, sa dihang nag- positibo ang impormasyon usa ka buybust operation ang ilang gihimo.
Nakuha gikan kang Sarte ang tulo ka gagmay’ng pakete sa shabu ug P200 marked money.
Si Sarte kusganong mihimakak sa pasangil kaniya sa kapolisan kay gibilin ra sa iyang higala ang maong shabu kay balikon ra kini apan nadakpan na hinuon siya. (BANAT NEWS)