1967 –Karong petsaha Enero 27, tulo ka mga astronauts luwan sa Apollo 1 nga sila si Virgil I. Grissom, Edward H. White II ug Roger B. Chaffee ang namatay diha pa lang sa launch pad sa Cape Canaveral sa National Aeronautics and Space Administration (NASA) sa Florida. Mao unta kini ang labing unang manned mission padulong sa bulan nga gikatakdang paluparon sa Pebrero 21,1967. Matud pa kalit nga misilaob ang cabin sa mga astronauts.
Michael Jackson
1984— Karong petsaha nakaangkon og grabeng paso sa iyang nawong ug liog ang sikat nga King of Pop music nga si Michael Jackson. Nahitabo kini dihang gidakop sa kalayo ang iyang buhok samtang nikanta ug nisayaw sa sikat niyang kanta nga "Billie Jean" alang sa usa ka commercial sa Pepsi Cola sa Los Angeles. Ang kalayo naggikan sa special effects unta sa maong shooting.