Sugbo TV mosibya pagbalik

CEBU, Philippines - Mosibya   na  sa kahanginan  pagbalik  ang  Sugbo TV   sugod  sa Lunes sa gabii, ang bag-ong television program nga mopahibawo  bahin  sa pagkasuspenso  ni gobernador  Gwendolyn  Garcia.

Ang Sugbo TV mopahigayon   og soft launching sa duha ka oras nga programa  nga  masud-ong  sa CCTN sa alas 5:30 sa hapon hangtud sa alas 7:30 sa gabii ug subli-on  kini  sa  pagpakita sa sayo sa buntag sa sunod adlaw sa susama gihapong television station.

Ang kanhi mga kawani sa Sugbo TV nga gipasirhan ni acting Governor Agnes Magpale niadtong Disyembre 21, 2012 mao ang maglangkob sa mga crew sa production sa nagkadaiyang mga pasondayag  niini  apan  usa  na  kini ka pribadong produksyon.

Makita sa unang sibya niini  ang video documentary sa mga kasinatian sa pagkasuspenso sa gobernador ug ang mga nahitabo   dihang naglabo  ang  kapolisan  sa palibot  sa Kapitolyo   nga gipangulohan ni PRO-7 Regional Director Marcelo Garbo .

Tinguha sa nahisgutan  nga produksyon nga mahibawo ang mga Sugboanon sa tinuoray nga sitwasyon sa Kapitolyo  sa pagkakaron. (Chester Abadilla/WC) (BANAT NEWS)