BACOLOD City, Philippines — Kwarentay –siyete ka mga balay ang gilamoy sa dakong sunog sa San Carlos City, Negros Occidental nga mibilin og gibanabanang P1 million nga danyos.
Si Supt. Fred Trajeras, ang direktor sa Bureau of Fire and Protection (BFP) sa probinsya nagkanayon nga ang sunog miigo sa Purok Edrina Brgy. 5, alas- 11:30 sa buntag ug napawong sa BFP inabagan sa Chamber Volunteer Fire Brigade firefighters pasado ala-una sa hapon.
Si Gov. Alfredo Marañon Jr. maoy nangulo sa pagpang apud-apod sa mga hinabang ngadto sa mga nasunogan. Adunay 66 ka mga pamilya nga nawad-an og balay.
Sumala pa nga hasta ang Local Disaster Risk Reduction and Management Council ug ang Philippine National Red Cross mipadala na usab og hinabang sa mga apektadong pamilya.
Ang mga nasunogan anha temporaryong gipahimutang sa Ramon Magsaysay Elementary School sa Brgy. 2. (/EIM) (BANAT NEWS)