CEBU, Philippines - Usa ang patay ug tulo naangol apil na ang onse anyos nga dalagita dihang natagak sa pangpang ang habal-habal nga ilang gisakyan gikan sa bukid sa barangay Pansoy sa lungsod sa Sogod sa alas 4:00 sa hapon sa nilabay’ng adlaw.
Ang biktima nga patay nang nadangat sa tambalanan mao si Agapito Catapan, 53, molupyo sa Sityo Hagobinas, barangay Dakit Sogod ug amahan sa habal-habal drayber nga si Christopher Catapan, 21. Apil sa nakasakay nga biktima mao ang iyang kapuyo nga si Maryjean Brigoli, 22, ug ilang anak nga si Divine Faith Catapan,11-anyos ug tinun-an sa grade five.
Matud ni PO3 Elymar Mendoza sa Sogod Police dihang nahinabi sa Banat News ang mga biktima gikan sa lungsod ug paingon na mamauli apan tungod kay overloaded wala makontrolar ni Christopher ug nalahos sa pangpang.
Ang pangpang gibana-banang adunay gilawmong 50 ka tiil, gitabang ang mga biktima sa mga molupyo ug gidala sa Juan Dosado District Hospital apan si Agapito gideklarar nga dead on arrival tungod sa dakung kadaut sa iyang ulo nga napantok sa bato. (/EIM) (BANAT NEWS)