Samsam Gullas nasubo sa iyang nasaksihan

CEBU, Philippines -  Si Gerald Anthony “Samsam” Gullas, apo ni first district representative Eduardo Gullas   gibati  og  kasubo sa iyang naobserbahan sa iyang pagsuroy-suroy sa unang distrito diin adunay mga magkadugo o paryente ang mag-unay-unay og away tungod lang sa politika. 

Si Samsam kinsa mokandidato  sa pagka-kongresista  sa unang distrito  sa Sugbo  karong umaabot eleksyon mitug-an sa Banat News  nga  naguol kaayo  siya  kay  nadiskobrehan  niya  nga adunay igsoon batok igsoon ug uyoan batok pag-umangkon   nga nag-unay  og  away aron lang makahupot og posisyon sa barangay,  isip konsehal o kaha sa  pagka-mayor.

“Families lust for power, mag-away na hinuon bisan og pamilya…For me that’s a worst thing and I’ll never do anything like that nga mag-away sa pamilya para lang sa position or something…That’s the worst part nga akong makit- an….Ang family members, uncles, brothers magkontra lang para sa barangay, sa councilors o mayor, that’s the worst thing for me”, ni Samsam pa.

Matud ni Samsam nga wala niya pangandoya nga mahitabo sa iyang pamilya ang samang sitwasyon nga iyang nakita “I really hope that it won’t happen and whatever happened my family will see it through”.

Apan gawas sa maong sitwasyon matud ni Samsam nga aduna usab siya’y nakitang makapakumot sa iyang kasing-kasing diin ang mga pribadong tawo kinsa  bisan  wala’y sa posisyon andam kaayo   nga motabang  sa  mga  problema sa ilang isig-kaingon.

“The best part naay certain individual nga not in public service usually private people nga bisan dili sila in a public position they still willing to serve and mao gyud nay mokumot sa akong kasing-kasing grabe gyud kaayo…..Duna ko’y giadtong barangay, kanang pag-donate og yuta nga himoan og day care center or anything else like that, that’s not a big joke….People who are not in a position to serve they are serving that’s the best thing about kanang magsuroy-suroy ko nga akong makit-an,” paambit ni Samsam.

Sa laing bahin, bisan og wala   siya’y  mahimong kaatbang sa sunod tuig nga eleksiyon, ang batan-ong Gullas  miingon   nga naningkamot siya sa iyang kandidatura.

Gawas sa iyang kandidatura maninguha usab siya alang sa mga mayor nga ilang kaalyado ug mga konsehal.

Matud usab niya nga kung magkahiusa silang tanan daghan silang mahimo pabor sa ilang grupo.

Ang batan-ong Gullas mipadayag usab og  hunahuna bahin sa nahitabo  karon  sa  Kapitolyo.

Kahinumdoman nga ang nasuspensong Gobernadora nga si Gwendolyn Garcia sa One Cebu Party kaalyado  sa Alayon Party.

Si Garcia usa sa mga giidolo ni Samsam isip maayong lider.

“A remarkable person gyud na si Gov. and you can feel sad on what happened …. Pero I really feel like, suspension is part of the hazard of leadership and as a leader and most exactly what Gov. is doing now, you have to be prepared of the worst and the best of time….And now she is fighting back and I really hope and pray that justice will prevail,” matud ni Samsam.

Ug kung mahimo na usab siyang lider, andam, usab  siya sa mga mahitabo kung naa na siya sa posisyon tungod kay  dili kalikayan  nga  ang  nahitabo  kang  Garcia   puwede usab  nga mahitabo ngadto kaniya  ug  ni  bisan  kinsa  nga  politiko.

“I should be ready for it, as I said that’s part of the hazard of leadership, I should be ready for it….But I really hope that with the good performance, I hope nothing like that happen….I really want to perform well,” ni Samsam pa.

Sa laing bahin usab, bisan sa kanunay’ng pasalamat ni Samsam ngadto sa iyang apohan sa pag-agak niini kaniya nangandoy usab siya nga sa umaabot  aduna na unya siya’y kaugalingon legacy.

Gibutyag ni Samsam nga ang mga gihangyo nga proyekto sa ubang kabarangayan sa unang distrito naimplementar na kini ubos sa tabang sa iyang apohan. (WC)(BANAT NEWS)